I go fire

Lyrics for I go fire by Joe Ifah

Na wetin I for give eh?
Baba na wetin you for take?
Shey na fufu make I make eh?
Abi na jallof rice wit cake?
Kai, dis dance wey I no sabi
Edey pain me I no happy !
I for do am for you no be small.
Like Okocha dey play football!

But de one I sabi I go do an I no go tire:
Krakakakaka: I go fire!
I go sing I go haller I go worship, I no go retire:
Krakakakaka: I go fire!
Na your name I go praise, my God, I go lift am higher!
Krakakakaka: I go fire!

Thank u Baba o!
Na your name alone I trust.
Even when yawa dey gas
Abi kasala dey burst.
When wahala come my house
Im go see King Jesus here;
I know say nothing reach im power;
Na im be why I no dey fear.

Na up I dey I no dey under!
Boom – boom –boom –boom: I go thunder!
I carry your name my God of wonder!
Boom-boom-boom-boom-boom: I go thunder!
I say na top I stay I no stay under!
Boom-boom-boom-boom-boom: I go thunder!
I dey joli in the name of my God of wonder!
Boom-boom-boom-boom-boom: I go thunder!

Enemies for left o, enemies for right!
Dem dey try for afternoon o, na even so for night!
Even your brother too follow join, dem no wan make I do my own;
But I no dey fear, I no dey shake o, whether de devil play wayo.
Na you say make I carry go, my father!
Gidi-gidi: na dem go scatter!
I no dey run, I trust my bigi-bigi Papa!
Gidi–gidi: na dem go scatter!
Shebi na you be Alpha wey be Omega?
Gidi–gidi: na dem go scatter ?
When I fire in your name dem go shake, dem go run, dem go scatter!
Gidi–gidi: na dem go scatter.


Preview: [sc_embed_player fileurl=”https://www.dropbox.com/s/3ar03fxfvyexa62/I%20go%20fire.mp3?dl=1″] BUY Song BUY Album
Top Songs
Shopping Cart

Christian Artist?